ஒரு தாய் மக்கள் ?

madurai-gopuram-1.jpg

 

சி. ஜெயபாரதன், கனடா

 

 

எந்தையும் தாயும் குலாவிய
தாயகத்தை
உன் தாயகமாக நீ
ஒப்புக் கொள்ள வில்லை !
உன் மூதாதையர்
பிறப்பகம் என்றாலும் !
ஒருதாய் மக்கள்
நாமில்லை யென
நிரூபித்துக் காட்டினாய் !

 

பட்டொளி வீசும்
மூவர்ணக் கொடியை வணங்கி
நாவிலே
வந்தே மாதரம் மந்திரச் சொல்
வாயில் வரவில்லை !
பாரத இனங்களை விடுவித்த
முதல் சுதந்திர முழக்கம்
வந்தே மாதரம் !
விடுதலை பெற்ற மாந்தர் தமது
மதத்துக்கு அடிமைகள் !
அரிவாளும், சுத்தியும்
ஓங்கிடும்
உன் விருப்பக் கொடியில் !

 

என் தாய் வேறு
உன் தாய் வேறு
ஒரு நாட்டில் பிறந்த நமக்கு !
என் வாய் வேறு
உன் வாய் வேறு
ஒரு மொழி பேசும் நமக்கு !
என் நிழல் வேறு !
உன் நிழல் வேறு
ஒரு வீட்டில் சுற்றி வந்தாலும் !
இரு வாயிலும் ஒலிக்க வில்லை
ஒரு வாய்க் குரல்  !
எதிர்த் திசையில் போகும் நாம்
இந்த யுகத்தில்
அன்னிய ராகச் சந்தித்தோம் !

 

பிணைத்தவை சில !
பிடித்தவை சில ! ஆயினும்
பிரித்தவை பல !
ஒரு தாய் மக்களும்
இரு தாய்ப் பிள்ளையாய்ப்
சண்டை யிட்டார் !
இரு தாய் மக்களை
இணைத்திட
இரும்புப் பாலம் ஒன்றில்லை !
பிரிந்து, பிரிந்து
அந்நியராய்ப் போனோம்
சொந்த நாட்டிலே !

 

காலங் காலமாய்
ஆலயங்கள் கொள்ளை போயின !
மோனச் சிற்பங்கள்
மூக்கறுபட்டு முலை அறுபட்டு
மானம் இழந்தன !
ஆக்ராவிலே
ஆகாவென்று எழுந்தது
தாஜ்மஹால் !
கஜினிஸ்தான் ஆவதை நிறுத்திடும்
ஆங்கிலக் காலனி
ஆட்சி !

 

புத்துயிர் பெற்றது பாரதம்
முக்கால் கண்டமாய் !
மொகஞ்ச தாரோ
முகவரி அழிந்தது !
ஹரப்பா
வரலாறு மாறியது !
சிலுவையில் அடிக்கப் பட்டது
சிந்து நதி நாகரீகம் !
திருடு போன
பிரமிட் கோபுரம்
அரணில்லாத பாரதம் !
தாயகத்தின் முத்திரை இல்லை
பளிங்குக் கொலு வான
தாஜ்மகால்  !

 

*******
[S. Jayabarathan (jayabarat@tnt21.com) Feb 21, 2008]

2 thoughts on “ஒரு தாய் மக்கள் ?

  1. திருநீரு பூத்த நெருப்பாய் உள்ளுக்குள் ஒளிந்திருக்கும் வேற்றுமை.. வரலாற்றிலேயே அதன் வெம்மைன்னு அருமையா கவிதையாக்கியிருக்கிங்க.. நல்லாயிருக்கு.. சிந்திக்க வேண்டிய யதார்த்தம்..

  2. Hey there! I know this is kinda off topic but I’d figured I’d ask. Would you be interested in trading links or maybe guest writing a blog post or vice-versa? My site addresses a lot of the same subjects as yours and I believe we could greatly benefit from each other. If you are interested feel free to shoot me an e-mail. I look forward to hearing from you! Excellent blog by the way!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s