காலவெளி ஒரு நூலகம்

சி. ஜெயபாரதன், கனடா

***********************

வானகம் எனக்கு போதி மரம்
வைர முத்துவின் ஞான ரதம்
வையகம் மக்கள் ஆதி வரம்
வள்ளுவம் எனக்கு வாழ்வு அறம்.

காலவெளி எனக்கு ஓர் நூலகம்
கடவுள் படைப்பி லக்கண நாடகம்
ஐன்ஸ்டீன் கண்ட இறைப் பீடகம்
அகரத்தில் தொடரும் மூல ஏடகம்.

கற்பது எனக்கு முதற்படி
காசினி அனுபவம் மேற்படி
படிப்பது முதுமையில் கைத்தடி
பயணம் வள்ளுவர் நூற்படி.

காலம் எனக்கு திசைகாட்டி
காவியம் எனக்கு வழிகாட்டி
ஞாலம் எனக்கோர் ஆலயம்
ஞானம் என்போர் ஆயுதம்.

===============