சுயநலம்
சி. ஜெயபாரதன், கனடா
சுயநலம் நமது பிறப்புரிமை !
குருதியில் கலந்தது !
கூடப் பிறந்தது !
மனித ஆணிவேர் ஆவது !
சுதந்திரம் மனிதனின் இறப்புரிமை !
பறி போவது !
பற்றியும் பற்றாமல் ஆவது !
புலி வருது ! புலி வருது !
புலிக்குப் பயந்தவர் என்மேல்
தலை வைப்பீர் !
கடவுள் படைப்பில்
பெண் சுயநலம் !
ஆண் பொதுநலம் !
சுயநலம் இல்லையேல்
பொதுநலம் இல்லை !
அன்னை தெரேஸா
அநாதை இல்லம் பொதுநலமா ?
தனித்துவச் சுயநலம்
மனச் சாந்தி !
சுயநலம் வளர்பிறை !
பொது நலம் தேய்பிறை !
சுயநலத்தின்
நிழல் தான் பொதுநலம் !
நீர்க் குமிழியாய்
மேல் எழுவது சுயநலம் !
நுனி தெரிய
பனிப் பாறையாய்
மூழ்கிப் போவது பொதுநலம் !
முதல் அமைச்சர்
தையல் மெஷின் அளிப்பார்
தரித்திரம் போக்க !
பொதுநலத்தைப் பிளந்துள்ளே
பார்த்தேன்
பதுங்கிக் கிடந்தது
சுயநலம் !
பொதுநலம் ஓர் ஆலமரம்
சுயநலம் விழுது !
மேடையில்
தன் வாடை மணக்க
பொன்னாடை போர்த்துவார்
முன்னோடி யாக !
சுயநலம் ஒரு செங்கல் !
பொதுநலம் கட்டிய கோபுரம் !
வியப்பான
தாஜ்மகாலைக் கட்டியது
ஷாஜஹானின் சுய நலமா ?
பொது நலமா ?
++++++++++++
S. Jayabarathan (jayabarat@tnt21.com) January 25 2011
Incredible! Your blog has a lot readers. How did you get all of these people to see your blog I’m very jealous! I’m still learning all about posting articles on the internet. I’m going to look around on your blog to get a better idea how to achieve success. Thanks for the help!
A really usefull blog – big thanks I wish you will not mind me blogging about this article on my website I will also leave a linkback Thanks
பதிவுக்கு நன்றி. செய்தி தொகுப்பு மனதில் ஏறுகின்றது
Thanks a lot . please publish a Tamil book .
Thanks
Arumugam
Singapore